I broderiet på teppet til Åse Ljones finn ein signaturen til fem kvinner som har vore viktige støttespelarar i livet hennar. Det heile starta med ei julehelsing ho fekk frå tanta si, Liv, i 2009. Tanta hadde berre skrive namnet sitt, og kunstnaren kom i tankar om at dette kunne vere siste gongen ho skreiv det. Å skape ein tekstil av signaturen til tanta og fire andre kvinner er ein måte å ta vare på og minnast noko som elles ville ha forsvunne.
Dei fem kvinnene er Johanna B (1883–1974), Marta B (1916–2003), Ingeborg (1918–), Liv (1919–) og Anna (1929–2010).
