Kunstnarkollektivet GRAS produserte politiske silketrykk i eit fellesverksted i Oslo tidleg på 1970-talet, og såg det som ei sentral målsetjing å nå ut til eit publikum utanfor galleriverda. For å oppfylle denne ambisjonen distribuerte dei kunsten sin ut til folket ved å trykke opp ei mengde plakatar av kvart trykk. Ikkje minst fekk dette betydning for dei mest politiske bileta, med adresse til EEC(EU)-kampen og mot USA si krigføring i Vietnam.
Mardøla Blues av Egil Storeide kommenterer kampen mot kraftutbyggarane som skulle temme det storslagne fossefallet i 1970. Desse interessemotsetningane får ein ekstra tankevekkande resonans innanfor ei ramme som Vemork.
