Eva Kun tar utgangspunkt i formelement som ligg tett opp til vegvesenets / kommunane sitt bruksmateriell. Rekkverk har praktiske funksjonar som å beskytte tre, avgrense område mellom mjuke trafikantar og biltrafikk, mellom fortau og vegbane, framfor skuleportar, bilar, grasbakkar osv.
Forskjellane er at Stand By 2 ikkje sperrer, men er meint å invitere personar til å stå ved sidan av, møtast ved, vere aktive og undrast over. Dei framstår som ”muterte rekkverk”, som fargesterke, tredimensjonale, romlege linjer. Det er lett å forholde seg til dei også med kroppen på grunn av størrelse, form og dimensjonar. Plasseringa bidrar til at formene synes tilgjengelege og inviterande.
Installasjonen føyer seg inn i omgivelsane, men ”vrir seg” nokre stader på ein uventa måte, kryssar gjerne grenser (for eksempel mellom asfalt og plen) mens dei andre stader igjen stig opp i høgda og ser seg rundt som i eit periskop. Dei peiker mot kvarandre og forder visuell bevegelde mellom dei ulike situsjonane på tomten.
