«Vekkelse»

Dei mange og ulike tydingane av ordet vekking er utgangspunktet for dei tre prosjekta. «Vekking» kan bety at ein vaknar frå søvn eller dvale og får ei openberring, blir omvendt, bevisst eller klar. Ulike variantar av religiøse vekkingar har sett eit sterkt preg på samfunnslivet i norske bygder og byar heilt sidan Hans Nielsen Hauges dagar. I vår tid er det mange som søker innover i seg sjølve heller enn å søke oppover mot ei transcendental erkjenning; dei leitar etter ei større meining, autentisitet eller kanskje eit sterkare nærvær i augeblikket.

Dei tre performative verka ber preg av iscenesetting og sjølviscenesetting, og viser på kvart sitt vis skjebnesvangre augeblikk, fiktive så vel som faktiske. Dei naturlege omgjevnadene fungerer som kulisser for dei improviserte framsyningane til kunstnarane.